Smákakublanding í glasi

Heimagjørd smákakublanding til mammuna á mammudegnum.

Tilfar til 20 stk.
· Glas: ca 0,75 l. Eplagløs rigga væl.
· 1 dl. sukur ella putursukur
· 1,5 dl. hveitimjøli
· ½ tsk. vakipulvuri
· 1 tsk. vaniljusukri
· 1 dl. havragrýni
· 1 dl. hakkaðari sjokulátu
· 1 dl. hakkaðum nøtum

Stoyt alt tilfarið í glasið eftir omanfyrinevndu raðfylgju. Eitt gott hugskot er at blanda hveitimjølið, bakipulvurið og vaniljusukrið saman áðrenn tú stoytir tað í glasið.

Set síðani lokið á og pynta tað soleiðis, sum tú hevur hug til.

Heft ein seðil á við hesum teksti: Píska 85 g av smøri “luftigt” og koyr síðani 1 egg í og píska væl. Ryst blandingin í glasinum og stoyt í deiggið. Rør tað væl saman. Ger 20 kúlur og legg tær á eina bakiplátu. Hettar skal bakast í 9-12  min. á 180°.

Prýdd eplagløs

Tómu eplagløsini hava hópað seg upp, nú jólini hava verið og nú er tíðin komin at endurnýta tey á onkran kreativan hátt.

Tilfar
•  Tóm og vaskaði eplagløs
•  Spray lím
•  Toy, band o.a.

Arbeiðsháttur
Vaska tómu eplagløsini, tak etikettirnar av og turka tey væl. Finn tær so gamlar avísir at hava sum undirlag. So er bara eftir at sproyta lím á gløsini og prýða gløsini við toyi – einans hugflogið setur mørk.

Tað ber eisini til at prýða lokið og so brúka gløsini til súltu o.a.